كيفية الحصول علي العفو الرئاسي
كل ما يتعلق بالعفو الرئاسي
١- التقديم في لجنة العفو الرئاسي٥٧ شارع مصدق الدور السادس
هتقول عاوز اقدم في العفو ، هيديلك استماره تملاها وتمشي
مش مطلوب اي ورق خالص
خد معاك رقم القضية فقط
انزل محطة مترو البحوث
واسأل عن شارع مصدق
وفي شارع مصدق اسأل عن رقم ٥٧
واطلع الدور السادس
٢- التقديم للمحكوم عليهم حضوري فقط
التحقيق ممكن ياخد افراج في اى وقت
الغيابي بمجرد ما يعمل إعادة اجراءات بيلغي الحكم
المختفي لا هو محكوم عليه ياخد عفو ولا هو تحقيق مستني افراج ، ده منتظر رحمة ربنا بيه وبأهله ، ربنا يرده سالم لبيته
٣- المحبوس احتياطي ميقدمش ، لان البيانات بتنزل علي السيستم ، ولو رحت تقدم قبل الحكم هيرفض ياخد منك الطلب ، خليك بعد الحكم افضل
٤- التقديم للجنائي والسياسي
٥- لايشترط قضاء مده معينة من العقوبه حتى تتقدم بطلب عفو
٦- لا يشترط وجود صفه في تقديم طلب العفو
٧- التقديم بيتم مره واحده فقط
٨- لكل من قدّم في العفو الرئاسي ولم يحظي به ، ووجد بالكشف من في ذاته موقفه أو أسوأ من موقفه ، أن يتظلم لرئيس الجمهورية ، ويطعن أمام مجلس الدوله
تعليقات
إرسال تعليق